ხელოვნური ინტელექტის საერთაშორისო ბანაკი სტუდენტებისთვის

ბანაკი განკუთვნილია საბაკალავრო საფეხურისა და პროფესიული კოლეჯების სტუდენტებისათვის, როგორც საქართველოდან, ასევე მეგობარი (SG 1.1) ქვეყნებიდან. საქართველოდან შერჩეულ მონაწილეებს სრულად დაუფინანსდებათ ბანაკში მონაწილეობასთან დაკავშირებული ყველა ხარჯი: საცხოვრებელი, კვება, ტრანსპორტირება, სასწავლო მასალები, ხოლო საერთაშორისო მონაწილეებს დაუფინანსდებათ ყველა ხარჯი, გარდა ავიაბილეთებისა.

ბანაკის 5 დღიანი ინტენსიური და საინტერესო სესიების ფარგლებში, მონაწილეებს ექნებათ შესაძლებლობა მიიღონ ინფორმაცია და განივითარონ შესაძლებლობები შემდეგი მიმართულებით: 

• შესავალი კომპიუტერულ ინჟინერიაში
• შესავალი ხელოვნურ ინტელექტსა და მანქანურ სწავლებაში
• კიბერუსაფრთხოება ხელოვნური ინტელექტის ეპოქაში
• AI ანტრეპრენერობა
• AI სხვადასხვა ინდუსტრიებში და პროფესიებში
• პრობლემების იდენტიფიცირება და ანალიზი
• აზროვნების დიზაინი
• პროტოტიპირება და MVP 
• AI ტექნოლოგიები, მანქანური სწავლების ალგორითმები და მონაცემთა მეცნიერება
• შესავალი გენერაციულ ხელოვნურ ინტელექტში
• კრეატიული აზროვნება და იდეების გენერირება
• Pitching-ის ტექნიკა და სიმულაციები

ბანაკის მიზანია სტუდენტებს გააცნოს ხელოვნური ინტელექტის მიმართულებით არსებული საერთაშორისო ტენდენციები და პრაქტიკული გამოყენების შესაძლებლობები. განუვითაროს შესაბამისი ტექნიკური, ანალიტიკური და სამეწარმეო უნარები და ჩართოს ისინი AI-ზე ორიენტირებულ ტრენინგებსა და პრაქტიკულ ვორქშოფებში. ასევე, შექმნას გარემო, სადაც მონაწილეები შეძლებენ საერთაშორისო გუნდების ფორმირებას და რეალური პრობლემების გადაჭრის გზებზე მუშაობას.

მონაწილეობის მისაღებად დარეგისტრირდით: https://apps.mygita.ge/zs/joC2A9

რეგისტრაციის ბოლო ვადაა 5 ივნისი

დამატებითი კითხვების შემთხვევაში მოგვმართეთ: bootcamps@gita.gov.ge