„ბიზნეს ინკუბატორი“  არის დამწყები ბიზნესის ხელშემწყობი პროგრამა, რომელიც ინოვაციური იდეის მქონე მეწარმეებს საშუალებას აძლევს, სხვადასხვა შეღავათიან პირობებში, გაიარონ საკუთარი ბიზნეს იდეის ჩამოყალიბებისა და განვითარების პროცესი.

სტარტაპ მეგობრული არის საქართველოს პრემიერ მინისტრის მიერ ინიცირებულ სსიპ საქართველოს ინოვაციების და ტექნოლოგიების სააგენტოს (სააგენტო) ახალი პროექტი. პროექტის მიზანია ქართულ და საერთაშორისო ორგანიზაციებთან თანამშრომლობა ინოვატორების და სტარტაპების სწრაფი განვითარების ხელშესაწყობად.  რაც გულისხმობს, ისეთი კომპანიების მოძიებას, რომელთაც შეუძლია სტარტაპებისთვის სპეც პროდუქტის შეთავაზება, ხოლოდ მეორე მხრივ სტარტაპების გაფილტვრას და იმის უზრუნველყოფას რომ პროგრამას ყავდეს გამიზნული, სწორად შერჩეული ბენეფიციარები.

სტარტაპ ბითსის ფარგლებში ხორციელდება რეგულარული შეხვედრები, სადაც სხვადასხვა სფეროში მოღვაწე წარმატებულo ადამიანები, მათ შორის წარმატებული სტარტაპერები გამოცდილებას უზიარებენ დამსწრე საზოგადოებას.

სააგენტო ახორციელებს ტრენინგების ციკლი IT მიმართულებით, რომლის მიზანია ხელი შეუწყოს განათლების დონის ამაღლებას აღნიშნულ სფეროში. ტრენინგების დასრულების შემდეგ მონაწილეები შეძლებენ კონკრეტული მიმართულებით დასაქმებას და პროექტების შესრულებას.

საქართველოს ინოვაციების და ტექნოლოგიების სააგენტოს მიზანია საინფორმაციო საზოგადოების ფორმირების ხელშემწყობი პროექტების და პროგრამების სახელმწიფო ერთიანი პოლიტიკის განხორციელების ხელშეწყობა დაკოორდინირება საინფორმაციო და საკომუნიკაციო ტექნოლოგიების და ინოვაციების ყველა სფეროში შეღწევის ხელშეწყობა და გამოყენების ეფექტურობის ამაღლება.

ე.წ “Boot Camp” ანუ ბანაკი, არის განათლების მიღების ინტენსიური სესია, რომელიც მიზნად ისახავს დაეხმაროს ინოვატორებსა და მეწარმეებს გადალახონ კონკრეტული გამოწვევები საკუთარი ბიზნესის განვითარების პროცესში და ხელი შეუწყოს მათ წარმატებული, ზრდაზე ორიენტირებული კომპანიის ჩამოყალიბებაში. ბანაკი შესაძლებელს ხდის თანამოაზრეებთან შეხვედრასა და საკუთარი სტარტაპ გუნდის ჩამოყალიბებას. მონაწილეებს საშუალება მიეცემათ მოისმინონ და გაიზიარონ მაღალკვალიფიციური ტრენერების და პრაქტიკოსი მენტორების გამოცდილება, ინდივიდუალური მუშაობის შედეგად კი მონაწილეები შეძლებენ უკეთ ჩამოაყალიბონ და სამომხმარებლო ბაზარზე გასატანად გაამზადონ თავიანთი ბიზნეს იდეები.

პროგრამა ,,სტარტაპ საქართველო“ საქართველოს პრემიერ-მინისტრის ინიციატივით შეიქმნა ეკონომიკური რეფორმის ფარგლებში, რომელიც თავის მხრივ, მთავრობის 4 პუნქტიანი გეგმის ერთ-ერთ კომპონენტს წარმოადგენს. პროგრამა ერთობლივად შემუშავდა საქართველოს ინოვაციების და ტექნოლოგიების სააგენტოს და საპარტნიორო ფონდის მიერ, რომელიც დამტკიცდა მთავრობის 2016 წლის 11 მაისის №206 დადგენილებით.