testing_mode

კომაროვის სკოლის მოსწავლეები ინოვაციურ პროდუქტებს და პროექტებს შექმნიან

დღეს, 23 ივნისს 16:00 საათზე საქართველოს ეკონომიკისა და მდგრადი განვითარების სამინისტროს სსიპ, ინოვაციების და ტექნოლოგიების სააგენტოს, სსიპ ვლადიმირ კომაროვის თბილისის ფიზიკა-მათემატიკის N 199 საჯარო სკოლასა და კომპანია „პოტერსს“ შორის ურთიერთთანამშრომლობის მემორანდუმი გაფორმდება, რომლის საფუძველზეც მხარეები ინოვაციების ლაბორატორიას შექმნიან.

ლაბორატორიის მიზანია ადრეულ ეტაპზე მოამზადოს პრაქტიკული ცოდნის მქონე მაღალკვალიფიციური კადრები, რომლებიც სკოლის დამთავრების შემდეგ, სწავლის გაგრძელების პარალელურად შეძლებენ მაღალანაზღაურებად პოზიციებზე დასაქმებას, ან საკუთარი მაღალტექნოლოგიური ბიზნეს საქმიანობის დაწყებას.

ინოვაციების ლაბორატორია წარმოადგენს პროექტს, რომელიც  საგანმანათლებლო სფეროში კომპანიისა და სასწავლო დაწესებულების თანამშრომლობას ითვალისწინებს. ლაბორატორია აღჭურვილია უახლესი ტექნოლოგიებით, მოსწავლეები კი მათი გამოყენებით მუშაობენ ახალი, ინოვაციური პროექტების შექმნასა და განვითარებაზე. ლაბორატორიის პარტნიორი კომპანია კი სასწავლო პროცესებს ბაზრის მოთხოვნებზე ორიენტირებული ამოცანებით უზრუნველყოფს.

პროექტის ფარგლებში ვლადიმირ კომაროვის სახელობის თბილისის ფიზიკა-მათემატიკის N 199 საჯარო სკოლა უახლესი დანადგარებით აღიჭურვება. ლაბორატორია ხელს შეუწყობს  ახალგაზრდების მიერ ინოვაციური ტექნოლოგიების და პროექტების შემუშავებას.

ლაბორატორია იმუშავებს ისეთ საკითხებზე, როგორებიცაა:

  • ინოვაციური მობილური აპლიკაციები
  • სმარტ საათების და სხვადასხვა “ტარებადი” მოწყობილობებისათვის პროგრამული უზრუნველყოფის შექმნა
  • Internet of Things

გარდა ამისა, მხარეთა შეთანხმებით ლაბორატორიის ბაზაზე გაიმართება სხვადასხვა ღონისძიებები, სემინარები, მასტერკლასები, ტრენინგები და ახალგაზრდული კონკურსები, მათ შორის ე.წ. ჰაკათონები.

partners

თბილისი, ოქროყანა, 0114
ინოვაციების ქუჩა #7
ტელ: +995 599 986 499
E-mail: info@gita.gov.ge

Top